منتدى الدويدار

منتدى الدويدار

ثقافى، اجتماعى، تعارف، عائلات دويدار


    لا للرجيمات .. نعم للقيمات .. أهلاً بتغيير الذات

    شاطر
    avatar
    نجلاء دويدار

    عدد المساهمات : 151
    تاريخ التسجيل : 23/10/2010

    لا للرجيمات .. نعم للقيمات .. أهلاً بتغيير الذات

    مُساهمة  نجلاء دويدار في الإثنين يناير 24, 2011 12:45 am

    بدايـــــــــــــــــــــــــــــــــة صلوا على أفضل خلق الله سيدنا محمد عليه وعلى آله أفضل الصلاة والسلام

    موضوع اللقيمات موضوع مكرر على المنتدى لكن هقدمه النهاردة ان شاء الله بشكل جديد فقولولى إزااااااااااى أقولكم يا حلوين إزاى ....

    هحكيلكم حكايتى الأول ... صلوا على النبي .. عليه أفضل الصلاة والسلام

    انا كنت سمكه نونو وبعدين قلت يا بت يا نونو لازم تجيبى الحصالة وتحوشى علشان تكبرى وتلاقى قرش فى ايديكى ينفع فى وقت زنقه .. وبعدين فضلت احط القرش على القرش ويكبر وانا اكبر معاهم لحد ما بقيت حــــــــوووت أزرق .. وفجـــــــــــــــــــــــأة ببص لنفسى فى المرايا قلت مين دى .. طيب اعمل ايه اروح فين المهم من هنا لهنا جيت على منتدى فتكات - ده على فكره منتدى مفتكس ودمه شربتاته انصحكم تزوروه - المهم طلعت كل الرجيمات واطلع من ده لده وفى الآخر كله فى الهوا ولقيت موضوع اللقيمات ده بمحض الصدفه البحتة ... عسل يا بت يا سمكه بتقولى كلام كبييييير .. .. ولقيت الدكتور محمد الهاشمي بيتكلم عن كتابه قلت بس لازم اشتريه ورحت بقى على الحصالة وجبت النجار وكانت حكايه .. المهم بعد ما كسرنا الحصالة واللذى منه اشتريت الكتاب ولقيت فيه كلام كتير مهم قلت لازم أفيد صحباتى حبيباتى .. وطبعا بشكر اللى سبقونى وكتبوا الموضوع .. انا ليا بس شوية تظبيطات هقولكم عليها دلوقتى ...

    من ضمن الرجيمات اللى لقيتها وربنا يجازى صحبتها خير .. انها وبعد ما جربت كل حاجه ومنفعتش عملت إيه ؟؟ تعالوا وانا اقولكم الكلام ده على لسانها ..

    "" اتجهت الى ربى وعاهدت ربى ان لا اكل شيء لم يذكر اسم الله عليه هذا اولا واتجهت الى نظام خاص بى

    - قبل الاكل مباشرة ادعوا الله (بسم الله الذى لا يضر مع اسمه شى فى الارض ولا فى السماء وهو السميع العليم ) واكمل يا رب لا تؤذنى بهذا الطعام واعطنى منه ما يستفيد به جسدى وابعد عنى شره وشر ما يؤذنى يارب اعنى على نفسى وبعد عنى شهوة الطعام وقوى عزيمتى انت القادر على كل شئ وادعوا الله بما اريد وانا متيقنه ان الله سوف يقف بجانبى
    ثـــــــــــــم

    جعلت لى نظام رياضى وهو المشى كل يوم لمدة نصف ساعه واخذت عهد على نفسى هو اننى اثناء سيرى استغفر الله يوم واسبحه يوم واحمده يوم واذكر الله اثناء سيرى حتى يعيننى على مواصلة المسيره لانه خير معين

    ثـــــــــــــم
    بعد الصلوات المفروضه استلقى على الارض
    وامارس تمارين البطن لمدة خمس دقائق

    واثناء الصلاة اجعلها كتمارين لى
    اقف منتصبه لا اتحرك
    ثم اركع بزاويه قائمه

    ثم اقف معتدله

    ثم اسجد بطريقه سليمه وهكذا ..

    واكثرت من صلاة النافله حتى ازيد من التمارين الربانيه

    ثـــــــــــــم

    اصبحت اعمل شغل البيت بطريقه دوريه اى لا اتهاون فى ان اعيد تنظيف ترابيزة الصالون حتى لو كنت لسه منظفاها بجانب المواظبه على الاستغفار والتسبيح اثناء التنظيف واحاول ان اساعد كل من فى البيت
    ثـــــــــــــم

    اذا شعرت بالجوع اقرأ سورة يس واستلقى على ظهرى واستغفر ربى وادعوه ان يثبتنى ويبعد عنى شهوة البطن
    وفى المساء
    اجلس على سجادتى
    واصلى لربى صلاة حاجة
    وادعوه ان يثبتنى ويعيننى لانه خير معين

    واخيرا

    انا كنت أتناول كل انواع الطعام الموجوده فى البيت مع جميع افراد الاسرة ولم اجعل لى طعام خاص بى
    والحمد للهربى كان بجانبى وثبتنى واعاننى على نفسى وخسيت



    تابعوني لسه فيه كلام مهم


    رجيــــم اللقيـمــات

    قال رسول الله صلى الله عليه وسلم "ما ملأ ابن آدم وعاء شراً من بطن ، بحسب ابن آدم لقيمات يقمن صلبه ، فإن كان لا محالة فثلث لطعامه وثلث لشرابه وثلث لنفسه "صدق رسول الله صلى الله عليه وسلم فاللقيمات ... هي أقل كمية طعام نأكلها بحيث تعطينا طاقة تكفي لفترة قصيرة.

    والدكتور محمد الهاشمي - وهو مصري الجنسية - هو مكتشف نقطة الهاشمي لشبع المعدة وسميت باسمه عالمياً

    بيقول الدكتور محمد ان نقطة الشبع فى جسم الانسان يمكن تنشيطها بحبات اللوز أو الفول السوداني

    وهنشوف مع بعض الوقتى ازاى

    المهم ان احنا هنتفق ان اللقيمات نظام حياة مش رجيم لأنها إحياء لسنة النبي عليه الصلاة والسلام وفى نفس الوقت هتبقى مليانة بركة يالا بسم الله نبدأ .. توكلنا على الله

    وتتكون حمية اللقيمات من ثلاثة أجزاء :

    1- اللقيمات المتكررة ( من 5 إلى 10 يومياً )
    2- الوجبة المفرحة ( مرة واحدة يومياً )
    3- لقيمات حبات اللوز أو الفول السوداني
    اللقيمات عبارة عن إيه ...؟؟

    1- قطعة خبز (1/4 رغيف بلدي أو أقل أو قطعة توست أو جزء منها) بها أي غموس (ملعقة فول – بيضة أو جزء منها – ملعقة جبنة من أي نوع – ملعقة مربى أو عسل – ملعقة حلاوة طحينية).

    2- بعض حبات المكسرات (1-5 حبات بندق أو لوز أو 5-10 حبات فول سوداني).

    3- ثمرة فاكهة أو خضار أو جزء منها ولا يوجد ما نحرم الناس منه فيمكن تناول ثمرة من المانجو – ثمرة تين – 3 بلحات – ثمرة موز - 1/3 كوب عنب - 1/2 كوب بطيخ أو كانتلوب.

    4-
    قطعة صغيرة من الشيكولاتة.

    5- نصف كوب صغير من الأيس كريم أو من الزبادي.

    6- نصف مثلث بيتزا أو ربع ساندوتش من الفاست فودز.


    أما الوجبة المفرحة فتتكون من:

    ثلاثة أطباق: طبقين مسطحين قطر كلا منهما 24 سم وطبق فنجان الشاي قطره في حدود 9 سم.

    يترك النصف الأيسر من كل طبق فارغا ويوضع الطعام في النصف الأيمن. و أنني أهدف من ذلك أن تتعود أنظار الناس على منظر الأطباق نصف الفارغة فيصبح ذلك أسلوب حياة دائم.

    نضع في الطبق الأول:

    1- ما يكافئ كوب من الخضار المطبوخ.

    2-
    ما يكافئ نصف كوب من النشويات المطبوخة ( سواء كانت بطاطس أو مكرونة أو أرز أو محاشي أو ما يكافئ حجم الكف من الرقاق أو الثريد أو ما يكافئ حجم الكف مرتين من البتزا أو نصف رغيف خبز بلدي.

    3- ما يكافئ قطعة في حجم كف اليد من البروتينات على ألا تكون بانيه (سمك / دجاج / لحم / 2 بيضة أومليت / قطعة جبن).


    هذا لمن كان وزنه أقل من 90 كجم.

    أما إذا كان وزنه بين 100 إلى 150 كجم فإنني أنصح له بتناول مرة ونصف قدر ما سبق.

    أما إذا كان وزنه أكثر من 180 كجم فإنني أنصح له بتناول ضعف كمية من كان وزنه أقل من 90 كجم.

    نضع في الطبق الثاني:

    1- ما يكافئ من 1.5 إلى3 كوب من السلاطة الخضراء على قدر درجة جوع الإنسان (بدون منع أي صنف من هذه الخضراوات) ويضاف إليها ملعقة كبيرة زيت زيتون لفائدته في إمتصاص مادة الليوتين الخضراء المفيدة كموصل جيد للجهاز العصبي في الجسم. كما يضاف إليها ملعقة محسن طعم (Dressing) حتى يتمتع الإنسان بطعم السلاطة.

    نضع في الطبق الثالث (الصغير):

    1- نصف قطعة حلوى (بسبوسة / أيس كريم / شيكولاتة / جاتوه).

    ويلاحظ أن هذه الأطباق الثلاثة تحقق الإشباع علاوة على أنها لا تمنع تناولنا للأطعمة التي نفضلها كما أنها تحتوي على جميع العناصر الغذائية المفيدة للجسم.وعندما يتناقص وزن مريض السمنه المفرطة إلى المستوى الأقل فسوف ينتقل أيضاً بكميات الطعام في الطبق الرئيسي الأول إلى المستوى الأقل.

    يتبع

    طيب لحد كده جميل نطبق ازاى بقى الكلام ده

    اولا لتنشيط نقطة الهاشمى لشبع المعدة هنعمل ايه ...؟؟

    هنشرب كوب ماء او اى مشروب اخر وبعدها بعشر دقائق نأكل خمس حبات فول سودانى او ثلاث حبات لوز - على فكره ناكلهم مرة واحدة كلهم - والحكاية دى نكررها من ( 5 إلى 7 مرات متتالية ) والمده بين كل مره ومره من ( ساعه واحده )

    بس لازم تعرفوا ان المرات دى محسوبة من اللقيمات العشرة اللى المفروض يبقوا على مدار اليوم

    يعنى لكل واحد 10 لقيمات من ( 5 الى 7 ) منهم الفول السودانى او اللوز والمياه قبلهم بعشر دقائق ضرورى ومفيش مياه بعدهم

    وباقى اللقيمات نختار صنف واحد من اللقيمات اللى فوق ناكلهم على مرات متتالية وبين كل مره والتانية ( من 1.5 الى 3 ساعات )

    وبعدين ناخد الوجبه المفرحة آخر اليوم

    يبقى دلوقتى هنجدد النية ونتعاهد مع ربنا ان شاء الله وندعيله يعينا ويقوينا ونبدأ .. لكن مفيش اكل ولا شرب قدام التليفزيون وضرورى نتحرك وننام سبع ساعات على الأقل

    [size=21]مثال بسيط :

    هبدأ اليوم مثلا بفاكهة وليكن ثمرة موز

    هستنى ساعة ونص وهاخد واحدة تانية

    واستنى مثلا ساعتين واخد واحده تالته

    وبعدين استنى ساعه ونص واخد موزه اخيره

    بعد ساعه ونص اخد كوب مياه وبعده بعشر دقايق خمس حبات فول مره واحده زى الدوا ههههههههههههههه

    بعدها بساعه نكرر الموضوع تانى بتاع الفول والميه

    ولحد ما يبقوا ست مرات

    يبقى انا كده اخدت عشر لقيمات فى اليوم

    يبقى فاضل بقى الوجبه المفرحة آخر النهار ناكلها ويبقى خلاص كده موال الأكل خلص



    آآآآآآآه نسيت أقولكم على حاجه مهمه


    الميه اللى قبل الفول دى ممكن تكون اى مشروب (كركديه - ينسون - حلبه - نعناع - شاى - نسكافيه - كابتشينو - شاى باللبن )

    المهم ان ليكى 5 ملاعق سكر على مدار اليوم

    وريجيم اللقيمات بينزل واحد كيلو فى الاسبوع ده طبعا لو اخترتى من اللقيمات اللى سعراتها اكبر زى الشيكولاته والحاجات التانيه

    انما لو جسمك زايد اوى زى حلاتى وعايزه نتيجة ملحوظه نختار الحاجات اللى يعراتها اقل يعنى مثلا الزبادي الفاكهه تبقى زى الجوافه او الكثرى كده يعنى ..

    يالا بقى فرحونى وشجعونى ..





    [/size]










    google_protectAndRun("ads_core.google_render_ad", google_handleError, google_render_ad);

      الوقت/التاريخ الآن هو الأحد مايو 27, 2018 9:24 pm