منتدى الدويدار

منتدى الدويدار

ثقافى، اجتماعى، تعارف، عائلات دويدار


    (آدي عيد ميلادي) للشاعر طارق شعبان ابو النجا : منتدى الدويدار

    شاطر
    avatar
    رمضان دويدار

    عدد المساهمات : 166
    تاريخ التسجيل : 07/08/2010
    العمر : 1964

    (آدي عيد ميلادي) للشاعر طارق شعبان ابو النجا : منتدى الدويدار

    مُساهمة  رمضان دويدار في الخميس أبريل 26, 2012 9:45 am




    آدي عيد ميلادي

    يابلادي ...
    آدي عيد ميــــــــــــلادي
    خمسين سنه بيعدوا
    زى قضبان حديد و اتمدوا
    و " القطر " واقف مطرحُهُ
    ولا راحش غادي
    آدي عيد ميـــــــــلادي
    *******
    ياولادى ...
    يازرع العُمر طارح في الأيادي
    بتقولوا ؛ ابوكم مفيش أدوُّ
    وهو غلبان ؛ حالهُ على أدوُّ
    عايش بوهم مفرحُهُ
    عاجز ... و راضي
    آدي عيد ميــــــــــــــــــلادي
    *******
    يا فؤادى ...
    ياطير مسبْح في البــوادي
    و ألفْ أيِّد بتشدوه
    ترسم له ُباب في السما ؛ وتسِدهُ
    و"الحب" ... سهم يجرحُهُ
    والعشق حــــــــــادي
    آدي عيد ميـــــــــــــلادي
    *******
    أيه حصـــــــــــادي ؟
    بعد ما زرعت الأمل في كل وادي
    لا فيه سواقي بالحياه بتمدُهُ
    وسيَّان عندهم ؛ شوكه ُ و وردهُ
    ولا فى غيطانه بيسرحوا
    والزهر نـــــــــــادي
    آدي عيد ميــــــــــــلادي
    *******
    يا حُسَّـــــــادي ...
    ياعيون بتستكتر عليَّ عنادي
    لو جالي خيــــــــر ؛ بترُده
    وان قِمت ضهري ؛ تهِدُه
    ويوم عذابي يفرحوا
    لو طال سُهــــــــــادي
    آدي عيد ميــــــــــلادي
    *******
    يا بــــــــلادي ...
    بصيت لسقف البيت قُصادي
    كنت بحسبها سنين ويعدوا
    وتعدي أحلامي السما يتحدوا
    طلع عليه النهار سيَّحُه
    وحالي هو حال بلادي
    آدي – ياسيدي – عيد ميلادي !
    ******************
    طارق شعبان أبو النجا
    23/4/2012



    بواسطة: طارق ابو النجا

      الوقت/التاريخ الآن هو الجمعة أكتوبر 20, 2017 10:50 pm