منتدى الدويدار

منتدى الدويدار

ثقافى، اجتماعى، تعارف، عائلات دويدار


    مش كفايه...هشام الجخ

    شاطر
    avatar
    نجلاء دويدار

    عدد المساهمات : 151
    تاريخ التسجيل : 23/10/2010

    مش كفايه...هشام الجخ

    مُساهمة  نجلاء دويدار في الإثنين يناير 24, 2011 1:24 am

    مش كفاية

    طياراتكم مش كفاية
    والمدافع مش كفاية
    والقنابل والحصار
    والحرايق والدمار
    والدموع فى عيون صغار
    والجناين تبقى نار

    مش كفاية

    لو عايزِنى مرة أخضع .. غيرونى
    شوفوا يمكن لو ده ينفع .. بدلونى

    ولما ما تلاقوليش طريقة
    واجهوا لو مرة الحقيقة
    واقروا من قرآنى آية
    تفهموا أصل الحكاية
    إنى بضحك عل القنابل
    موتة جاية وقلبى قابل
    تعرفوا
    إن القنابل والمدافع والشظايا
    والسلاح اللى معاكو و مش معايا
    مش كفاية

    موتونى ألف مرة
    غصب عنكم بلادى حرة

    وللنهاية كلمة بكتبها بدمايا
    للى يستشهد ورايا
    إن ثمن الجنة ديا
    لو حياتك .. مش كفاية
    هشام الجخ

      الوقت/التاريخ الآن هو الإثنين أكتوبر 22, 2018 11:45 am