منتدى الدويدار

منتدى الدويدار

ثقافى، اجتماعى، تعارف، عائلات دويدار


    ايوه بغير(هشام الجخ)

    شاطر
    avatar
    نجلاء دويدار

    عدد المساهمات : 151
    تاريخ التسجيل : 23/10/2010

    ايوه بغير(هشام الجخ)

    مُساهمة  نجلاء دويدار في الإثنين يناير 24, 2011 1:23 am

    النهاردة جبتلكم قصيدة حلوة جدا من قصائد هشام الجخ
    اسمها (ايوة بغير)
    كتبتهالكم باللهجة الصعيدية
    زى مالقاهاالشاعر بلهجته الجميلة
    يارب تعجبكم
    واحب اقول ان كل كلمة فالقصيدة دى بجد تصف الرجل الصعيدى بحبه وتقديرة لزوجته وشريكة حياته
    وعن واقع تجربتى الشخصية مع خطيبى
    هما فعلا كده
    بيغييييييييييييييييرو موووووووووووت
    بس مش غيرة تحبسك
    لا هو يمتعك بالدنيا كلها بس على ايده هو
    واعتقد ان الواحدة تحمد ربنا اوى على كده
    معلش رغيت كتير اسيبكم بقا مع القصيدة واتمنى الرد والتعليق





    وبجولها ايوة بغير

    لا انا نجصان ولا ضعفان ولا مسطول ولا سكران
    ولازايغ من عينى الضى
    ولا حد احسن منى فى شى
    بس بغير
    واللى جالولك غيرة الراجل
    جله ثقة او جله فهم
    خلج (حمير)
    غيرة الراجل
    نار فالراجل
    نار بتنور مابتحرجش
    واحنا صعايدة بنستحملش
    شمسنا حامية
    وعرجنا حامى وطبعنا حامى


    واللى تخلى صعيدى يحبها
    يبجى ياغلبها



    اصلنا ناس على جد الطيبة
    كلنا هيبة
    والنسوان فى بلادنا جواهر
    طب لو عندك حتة ماس
    هتخليها مداس للناس

    ولا هتجفلى اوضة عليها بمية ترباس
    يمكن حتى تاجرى ليها جوزين حراس
    يبجى انا لاانا غافل ولا جاهل
    كل الفرج مابينى وبينك انى صعيدى
    ..........................
    لو كان بايدى
    كنت اعملك هندى بريش
    واجلب شعرى كنيش كراويش
    والبسلك سلسلة مدلدلة خرزة وجلب
    بس ازاى البسلك سلسلة هو انا كلب؟


    ثم العبرة ماهيش باللبس
    اصل المشكلة مش فاللبس
    اصل المشكله عندك(عندك)عنادك
    جولت هسيبها وبكرة تحس
    بعده تحس
    بعده تحس
    ده انا لو جبس
    كنت زعجت
    ماشى صداجة وماشى زمالة
    بس ماجاتش على الرجالة
    ماهى نسوان الدنيا كتير
    وانا مابجولش تخاصمى الناس
    ولا تتحجبى عن الرجالة
    ولا تعتكفى وتسكنى دير
    بس ياريت حبة تجدير(تقدير)
    انى بحبك
    وانى بريدك
    وانى زرعت حياتى فايدك
    وانى غزلت بنات الدنيا عجود(عقود)على جيبك(جيبتك)
    وانى تعبت من التفكير


    شكلها عجبتكم
    ورونى بجا الحديت الزين وتردو على مليح
    ولا نجيب الطبنجة؟؟؟؟؟؟؟؟؟؟

      الوقت/التاريخ الآن هو الإثنين ديسمبر 18, 2017 3:52 am